કોઈ મોટા અકસ્માતથી બચવા માટે ગેસ સિલિન્ડર લેતા પહેલા આ મહત્વપૂર્ણ વસ્તુ ખાસ ચકાસો

શું તમે જાણો છો કે તમે જે ગેસ સિલિન્ડરનો ઉપયોગ કરી રહ્યાં છો તેની પણ એક્સપાયરી ડેઈટ હોય છે. જો તમને ખબર ન હોય, તો ચાલો જોઈએ, તેને જાણવાની રીત.

તમારા ઘરમાં આવતા સિલિન્ડર તેની અવધિ ની તારીખ સમાપ્ત થયેલા હોઈ શકે છે, જે જોખમી છે. તેથી તે મહત્વપૂર્ણ છે કે જ્યારે પણ સિલિન્ડર આવે, ત્યારે તમે તેની સમાપ્તિ તારીખ તપાસો. તો ચાલો જાણીએ તે બધું કેવી રીતે ચેક કરી શકાય.

ઇન્ડિયન ઓઇલ, ભારત પેટ્રોલિયમ અને હિન્દુસ્તાન પેટ્રોલિયમના એલપીજી સિલિન્ડરોમાં ત્રણ નંબર સ્ટીકર હોય છે. તેમાં બે પટ્ટી પર સિલિન્ડરનું વજન છે અને ત્રીજા પર કેટલાક નંબર લખેલા છે. આ ખરેખર સિલિન્ડરની સમાપ્તિ તારીખ છે.

ચાલો આપણે જાણીએ કે તમે સિલિન્ડરની સમાપ્તિ તારીખ કેવી રીતે ચકાસી શકો છો.

તમે જોયું જ હશે કે સિલિન્ડર પટ્ટી પર A-22, B-24 અથવા C-23, D-21 લખેલું છે. આ ચાર અક્ષરો મહિનામાં વહેંચાયેલા છે:

• A નો અર્થ જાન્યુઆરીથી માર્ચ
• B એટલે એપ્રિલથી જૂન
• C એટલે જુલાઈથી સપ્ટેમ્બર
• D એટલે ઓક્ટોબરથી ડિસેમ્બર

ઉદાહરણ તરીકે, જો A-22 લખેલ હોય તો તેનો અર્થ થાય છે કે ગેસ સિલિન્ડરની સમાપ્તિ તારીખ જાન્યુઆરીથી માર્ચ 2022 છે અને તે પછી સિલિન્ડરનો ઉપયોગ કરવો જોખમી બની શકે છે અને તે જોખમોમાં ગેસ લીકેજ કે સિલિન્ડર ફાટવું હોઈ શકે.

દરેક એલપીજી ગેસ સિલિન્ડરનો ઉપયોગ કરવાની સમય મર્યાદા હોય છે. આ સમયગાળા પછી સિલિન્ડર પરીક્ષણ કરવાનું હોય છે. જો પરીક્ષણ દરમિયાન સિલિન્ડર ઉપયોગ માટે યોગ્ય ના જણાય, તો તેને બજારમાંથી દૂર કરવામાં આવશે. કોઈપણ નવા સિલિન્ડરનું પરીક્ષણ 10 થી 15 વર્ષમાં કરવાનું હોય છે. તેવીજ રીતે, જૂના સિલિન્ડરનું પરીક્ષણ દર પાંચ વર્ષે જરૂરી છે.

પરીક્ષણ ક્યાં થાય છે?

ગેસ સિલિન્ડર પ્લાન્ટમાં સિલિન્ડરોની ચકાસણી કરવામાં આવે છે. ઘણી વખત લોકો વર્ષો સુધી સિલિન્ડરનો ઉપયોગ કરતા નથી. આવી સ્થિતિમાં, આવા સિલિન્ડરોને તપાસવું ખૂબ જ મહત્વપૂર્ણ બની જાય છે. જો સમય પર તપાસ હાથ ધરવામાં ન આવે તો મોટો અકસ્માત સર્જાય શકે છે.

જાગૃત રહો, સલામત રહો!